#自我回顧嘅ac
#突然自我正面
#因為自己愛豆而得到安慰
呢下真係深夜洋蔥
姿勢好奇怪係咪？其實佢地跳緊一天一天隻舞，佢地由唱呢隻有舞跳嘅歌，唱到變左冇再跳，起呢段時間佢地過得一啲都唔容易。
雖然我比喻會怪左少少😂但係真係睇到流眼淚😭😭😭
好多唔熟悉佢地嘅人都覺得今日嘅佢地過嘅日子一直都係明星嘅生活，從來都冇啲咩辛苦過，但又有冇人諗過佢地為左捱到去呢個10年，過嘅日子一啲都唔容易。
我飯嘅年資都唔係好長，我係起2012年出ALIVE個時圈嘅，所以都唔敢講自己係老飯乜乜乜，應該有好多入飯嘅人都有睇過佢地嘅出道實錄，相比近年出個兩團嘅Who is next更殘酷更無人性，邊度會有咁幸福呢啲野我知唔會有人鍾意聽，但係起你坐得起之前佢地開嘅演唱會上，對佢地嘅來歷至少至少都要有啲認識掛?而唔係跟風入去，影張自拍留個念就走人呀?
其實比起MADE我更加鍾意嘅係ALIVE個時，啲飯好純粹，我去第一次FM嘅時候，我唔敢話冇人係白撞，但真係唔會有我而家見到咁多，而真正坐到入去係飯嘅，的確多過而家嘅好多，而家坐到入去FM，竟然有人係5個都分得唔清唔楚嘅都有，毒唯啦唯四個啲，我唔知道起佢地空白期至回歸個時發生左咩事，我唔係針對個類飯，但真係唔好太過分好唔好，你去嘅係5個人嘅FM，即使你係唯飯，都唔該比番5個人嘅尊重，唔好淨係識得嗌GDGDGD，起人地講緊野個時就唔好亂咁嗌，咁樣真係好冇禮貌。
起ALIVE個時嘅飯仲會有5個人應援，但而家就變曬Solo先應援，好想大家知道，BIGBANG從來都唔係一個人，起你本命未出名之前，冇其餘4位成員一齊去唱你而熟悉個首歌，佢唔會有今日嘅佢，你鍾意得BIGBANG，就唔該尊重BIGBANG每一位成員，而去踩其他成員話自己本命最叻個啲，你最快可以去睇BIGBANG而家上映個套戲，起入面會睇到，冇佢地5個人互相扶持，同埋佢地5個人對於自己所製作嘅音樂同表演有咁嘅執着嘅話，你今日都唔會見到你親愛嘅本命企起台上面唱歌比你聽。
今年係BIGBANG嘅10周年，你係老飯，希望你仲保持到初心去鍾意佢地，如果你係新飯，歡迎你，但希望你可以好好去煲下啲綜藝再去放聲應援，睇到而家有人鍾意GD鍾意到連權志龍同GD係同一個人都唔知就9衝去罵番權志龍抄GD Style呀陰公😂😂😂真係唔知好笑定好喊啦
睇睇下綜藝突然間有感而發😂😂就黎10周年演唱會啦，我就學生黨no money no talk啦🌝而去嘅你就唔該到時比多啲力代表埋我地呢啲冇去嘅人應援啦🙈😂😂😂
多謝你睇到呢度，BIGBANG10周年快樂🙌🎉🎉🎉
评论